တန်ဆောင်မုန်းလ

 

ကထိန်ပွဲ ၊ တန်ဆောင်တိုင်ပွဲ ၊သာမည ဖလ အခါတော်နေ့ ။

မြန်မာ(၁၂)လရာသီတို့ တွင် တန်ဆောင်မုန်းလ သည်(၈)လ မြောက်ဖြစ်သည်။ခရစ်နှစ်

အားဖြင့်မူအောက်တိုဘာလ၊နိုဝင်ဘာလများအတွင်း ကျရောက်လေ့ရှိပါသည်။ မိုးတွင်းကာလကုန်

ဆုံးသည့်အချိန် ဖြစ်၍ ၊ “မိုးလအဆုံး-တန်ဆောင်မုန်း”- ဟူ၍ ဆိုလေ့ ရှိကြသည်။ မြန်မာတို့ ၏ လယ်

ယာစိုက်ခင်းကွင်းပြင်တို့ မှ စပါးကောက်နှံတို့ သည် စိမ်းလန်းပြည့်ဖြိုးရာမှ ရင့်မှည့်လုလုအခါ ရွှေဝါ

ရောင် သို့  ပြောင်းလဲကာစ ဖြစ်သည်။မိမိတို့ ၏ ရှင်သန်ပြည့်ဖြိုးသော  လယ်ခင်းကိုရှုမြင်ရ၍ ၊တောင်

သူလယ်သမားများ ရွှင်မြူးပြုံးပျော်ကြရသောကြောင့် ၊ “တောင်သူရွှင်ပြုံး-တန်ဆောင်မုန်း”- ဟုလည်း

ဆိုကြပါသည်။စပါးနှံ အခိုင်ခိုင်တို့ မှ အခက်အခက် ဖြာထွက်သော စပါးသီး အစီအရီတို့ သည် ၀တ်ဆံ

ပြည့် အနှစ်အခဲစု၍ ၊ တင်းတင်းလုံးလုံး  ပြည့်ဖုံးမို့မောက်လာသောကြောင့်၊ “ ဖုံးတုံးလုံးတုံး-တန်ဆောင်

မုန်း”-ဟူ၍ ၊စပါးနှံတို့ ၏ သဘာဝကို အမှီပြုလျက် အမှတ်အသားပြုကြ ပြန်ပါသည်။

ဤလအခါတွင် ကထိန်ပွဲ ၊ မသိုးသင်္ကန်းယက်ပွဲများ ကျင်းပလေ့ရှိကြသည်။ ကထိန်ပွဲ ခေါ်ကထိန်

သင်္ကန်းကပ်လှူပွဲ ဓလေ့ကို  မြန်မာနိုင်ငံသို့ ဗုဒ္ဓသာသနာ စတင်ရောက်ရှိသော ပုဂံခေတ်(ဘီစီ-၁၆၇-

၁၂၈၇) ကပင် အထူးတလည်ကျင်းပခဲ့ကြပါသည်။“ကထိန်” ဟူသော ဝေါဟာရသည် ပါဠိဘာသာ

စကား“ကထိန” မှ ဆင်းသက်လာခဲ့သည်။“မြဲမြံခိုင်ခန့် ခြင်း” -ဟူသော အနက်ရှိပါသည်။မြတ်စွာဘုရား

ရှင်သည် ၀ါတော်(၃၇)၀ါ အကျော်တွင် ၊ သာဝတ္ထိပြည် ဇေတ၀န်ကျောင်းတော်၌ သီတင်းသုံးနေတော်

မူစဉ် ၊  ၀ါကျွတ်အခါ၌ ပါဝါမြို့ မှ လာရောက်ဖူးမြော်ကြသော ဘဒ္ဒ၀ဂ္ဂီ ညီနောင် ရဟန်းသုံးကျိပ်(ခေါ်)

ဓုတင်ဆောင် ရဟန်းတော်အပါး သုံးဆယ်တို့ ၏ သင်္ကန်းနှင့်ပတ်သက်သော ဆင်းရဲ့ ချို့ တဲ့မှုကို တွေ့ 

မြင်ရသဖြင့် ၊ကထိန်ခင်း(ကထိန်ပြုလုပ်ကျင်းပခြင်း)ခွင့် ပြုတော်မူခဲ့ပါသည်။ရဟန်းတို့ ဝတ်ရုံအပ်သော

သင်္ကန်း(၃)ထည် ဖြစ်သည့် သင်းပိုင်(ခါးဝတ်) ၊ ဧကသီ(ကိုယ်ရုံ) နှင့် သင်္ကန်းကြီး(ကိုယ်ရုံ အထူ)တို့ 

တွင် ၊ မည်သည့် သင်္ကန်းနှင့်မဆို ကထိန်ခင်းနိုင်သည်။မြန်မာဗုဒ္ဓဘာသာဝင်တို့ သည် “ဘုရားမှာစိန်၊

ကျောင်းမှာသိမ် ၊ သင်္ကန်းမှာ ကထိန်”- ဟူ၍ ဆိုရိုးပြုကာ ၊ “ ကထိန်သင်္ကန်း ကပ်လှူခြင်း”-ကို အထွဋ်

အမြတ်ထားလေ့ ရှိကြပါသည်။

မြန်မာ့ရိုးရာ အလှူဒါနပွဲများတွင် ၊ ကထိန်သင်္ကန်း အလှူပွဲ သည် အကြီးကျယ်ဆုံးဖြစ်ပါသည်။မြို့ 

နယ်၊ ရပ်ကွက်၊ ကျေးရွာ ၊ အလုပ်ဌာန ၊စက်ရုံ ၊ကျောင်း စသည်တို့ အလိုက် ၊ ပုဂ္ဂလိကနှင့်နိုင်ငံတော်

အစိုးရ အဖွဲ့ အစည်းများအလိုက် ၊ ကထိန်သင်္ကန်းကပ်လှူပွဲ ကိုကြီးကျယ်ခမ်းနားစွာ ပြုလုပ်လေ့ရှိကြ

ပါသည်။ပဓာန ကထိန်လျာ(ကထိန်ခင်းမည့်)သင်္ကန်း (ခေါ်) ညတ်(သတ်မှတ်ထားသော)သင်္ကန်းနှင့် အခြား အရံလှူဖွယ် သင်္ကန်း ၊ ပစ္စည်း ၊၀တ္ထုမျိုးစုံတို့ ကို ပဒေသာပင် (ခေါ်) သစ်သားတိုင်စင်တစ်ခုတွင် စီရီချိတ်ဆွဲ၍ ၊ လှူဖွယ် ပဒေသာပင်ပေါင်းများစွာတို့ ကို စီတန်းလျက် ၊ မြို့ တွင်း ရွာတွင်း သို့ ဝမ်းမြောက်ဖွယ် လှည့်လည်ကာ ၊ ကထ်ိန်ကျရာ ကျောင်းတိုက်သို့  ပို့ ဆောင်လှူဒါန်းလေ့ရှိကြပါသည်။နှစ်စဉ် ကထိန်အလှူပွဲများ ဖြစ်မြောက်နိုင်ရေးအတွက် ၊ နေရာဌာနအလိုက် ကထိန်တော်အသင်းများဖွဲ့ စည်းထားကြသည်။

မိုးရေသည် မည်သူ၏ လုံ့ လ ပယောဂမျှမပါပဲ ကောင်းကင်မှ သူ့ အလိုလိုကျလာသကဲ့သို့ ၊ ဒါယ

ကာ -ဒါယိကာမတို့ ၏ ကိုယ်ပိုင်သဒ္ဓါတရားဖြင့် လှူဒါန်းလာသော ကထိန်သင်္ကန်းဖြင့် ၊ ရဟန်းတော်

များ သည် ၀ိနည်း ဓမ္မကံအရ သိမ်အတွင်း၌ ကထိန်ခင်းခြင်းကို ၊ “မိုးပေါ်ကျကထိန်”-ဟု တင်စားသုံး

နှုံးကြပါသည်။ကထိန်သင်္ကန်း အလှူခံရခြင်းဖြင့် ရဟန်းတော်များမှာ ကထိန်အာနိသင်(ခေါ်) ၀ိနည်း

ပြစ်ချမ်းသာခွင့် အကျိုး(၅)မျိုးတို့ ကို ၊ တပေါင်းလပြည့်နေ့ အထိ ရရှိခံစားနိုင်ကြရပါသည်။လှူဒါန်းသူ

တို့ တွင်လည်း (၁)ဘေးရန်ကင်းစွာ ခရီးသွားလာနိုင်ခြင်း၊(၂)လုပ်ငန်းကိစ္စများ လွယ်ကူပေ့ါပါးစွာ ဆောင်နိုင်ခြင်း၊ (၃) အစားအသောက်များမှ ဘေးရန်မကျရောက်ခြင်း ၊ (၄)သိုမှီးသိမ်းဆည်းထားသောပစ္စည်းဥစ္စာများ မပျက်မစီးနိုင်ခြင်း နှင့် ၊(၅) မိမိကိုယ်ပိုင်ပစ္စည်းများကို အနှောက်အယှက်မဲ့ကိုယ်တိုင်သုံးစွဲနိုင်ခြင်းအကျိုး(၅)မျိုးကိုရရှိနိုင်ပါသည်။ကထိန်သင်္ကန်းလှူဒါန်းနိုင်သောကာလမှာ သီတင်းကျွတ်လပြည့်ကျော်(၁)ရက်နေ့ မှတန်ဆောင်မုန်းလပြည့်နေ့ ညဉ့် ယံကုန်ဆုံးချိန်အထိ၊(၂၉)ရက်အတွင်းသာဖြစ်သည်။တန်ဆောင်မုန်းလပြည့်နေ့မှနောက်တစ်ရက်မကူးမီအချိန်ထိ ယက်လုပ်ချုပ်ငင်ရသောသင်္ကန်းကို “မသိုးသင်္ကန်း” -ဟုခေါ်ပါသည်။မြန်မာနိုင်ငံရှိ အထင်ကရစေတီတော်ကြီးများတွင် ၊နိုင်ငံတော်အစိုးရမှ ကြီးမှူးလျက် မသိုးသင်္ကန်းယက်ပြိုင်ပွဲများကို နှစ်စဉ်ကျင်းပပြုလုပ်ကာ ၊ ရရှိလာသောသင်္ကန်းတော်ဖြင့် စေတီတော်မှရုပ်ပွားတော်မြတ် ဗုဒ္ဓဘုရားရှင်အား နေ့ မကူးမီ ပူဇေါ်လှူဒါန်းလေ့ရှိကြပါသည်။အချို့ အရပ်ဒေသများတွင်မူ ၊ ပဒုမ္မာကြာပန်းမှ ကြာမျှင်များကို ထုတ်ယူ၍ ကြာသင်္ကန်းတော် ယက်လုပ်ပြီး ဘုရားရှင်အား ကပ်လှူပူဇေါ်ကြပါသည်။ကြာသင်္ကန်းတော် ဆက်ကပ်လှူဒါန်းခြင်းအလေ့အထမှာ ၊ ဘုရားအလောင်းတော် တောထွက်တော်မူစဉ်အခါက ၊ ဗြဟ္မာကြီးက ကြာသင်္ကန်းဆက်ကပ်လှူဒါန်းခဲ့ခြင်းကို အကြောင်းပြု၍ ဖြစ်ပေါ်လာခဲ့ကြောင်း ဆိုကြပါသည်။

တန်ဆောင်မုန်းလကို ပုဂံခေတ်အခါက “တန်ဆောင်မှုန်” ဟူ၍ ရေးခဲ့ကြသည်။အင်းဝခေတ်(ဘီစီ-

၁၃၆၄-၁၅၅၅)မှစ၍၊ “တန်ဆောင်မုန်း” ဟု ရေးသားလာကြကြောင်း ဆိုကြပါသည်။အဓိပ္ပါယ်မှာ“မီးရှူး၊

မီးတိုင် ၊ဆီမီးများထွန်းလင်းစေသောလ (၀ါ) အမိုက်အမှောင်ကို မီးအလင်းရောင်ဖြင့် ပျောက်လွင့်စေ

သောလ” -ဟု ၊ဆိုလိုပါသည်။“တန်ဆောင်တိုင်”-ဟူသည် “အလင်းရောင်ကို ဆောင်ယူသောတိုင်(၀ါ)

မီးရှူးတိုင် ၊ အလင်းတိုင်” ကို ခေါ်ဆိုခြင်းဖြစ်ပါသည်။မြတ်စွာဘုရားပွင့်တော်မမူမီကာလက ၊ လူတို့ 

သည် ဤလ ဤအခါတွင် မီးနတ်ဖြစ်သောဖြစ်သောကြတ္တိကာနက္ခတ်ကို ပူဇေါ်ကြသည်။ကြတ္တိကာနက္ခတ် ဆိုသည်မှာ ၊ ညအခါတွင်ထွန်းလင်းလေ့ရှိသည့် လူသိများထင်ရှားလှသော“ ဖျောက်ဆိတ်

ကြယ်”ခေါ် ကြယ်စု ဖြစ်သည်။ဤအချိန်ကာလတွင် ရာသီဥတု ကြည်လင်သောကြောင့် ၊ လူအများတို့ 

သည် တောင်မြင့် ၊တောင်ထွတ် တို့ သို့ မီးတုတ်များ ၊ မီးတိုင်များ စုဝေးကိုင်ဆောင်ကာ တက်ရောက်၍ ၊“တောင်ထိပ်ပွဲ” (ခေါ်)“ နက္ခတ်ပွဲ ”ကျင်းပလေ့ရှိခဲ့ကြပါသည်။“တောင်ထိပ်နတ်ပွဲသဘင်”ဟူ၍လည်းခေါ်ဆိုခဲ့ကြပါသည်။ဘုရားပွင့်တော်မူပြီးကာလတွင်မူ ၊ တာဝတိံသာနတ်ပြည်ရှိ ဘုရားအလောင်းတော်၏ ဆံတော်ကိန်းဝပ်ရာ စူဠာမဏိစေတီတော် သို့ ရည်မှန်းလျက် ၊မီးပုံးပျံများ ကို ပုံပန်းသဏ္ဍာန် အမျိုးမျိုးပြုလုပ်၍ ပို့ လွှတ်ပူဇေါ်လေ့ရှိကြပါသည်။ မြန်မာပြည်အထက်ပိုင်း ရှမ်းပြည်နယ်တွင်၊“မီးပုံပျံလွှတ်ပူဇေါ်ပွဲများ ”ကြီးကျယ်ခမ်းနားစွာ ပြုလုပ်လေ့ရှိကြပါသည်။ မြစ်၊ချောင်း၊အင်း၊အိုင် နီးသောအရပ်ဒေသများကမူ ၊ ဤလအခါတွင် “ရှင်ဥပဂုတ္တပူဇေါ်ပွဲ”ပြုလုပ်၍ ၊ ဆီမီးများကို ရေမျှောပူဇေါ်လေ့ရှိကြပါသည်။ပိဋကကျမ်းစာများတွင် မပါဝင်သော်လည်း ၊တောင်ဖက်သမုဒ္ဒရာတွင် ကြေးပြာဿာဒ်(၀ါ)ကြေးကျောင်းဆောင်တော်ဖြင့် သီတင်းသုံးစံနေတော်မူသည် -ဟု ၊ ယူဆယုံကြည်လျက် ရည်မှန်းပူဇေါ်ကြခြင်းဖြစ်ပါသည်။

တန်ဆောင်မုန်းလအခါတွင် ဆေးပင်အပေါင်းကို စေါင့်သောနတ်တို့ သည် မယ်ဇလီပင်စေါင့်နတ်

မင်းအား တစ်ညီတစ်ညွတ်တည်း လာရောက်ခစားကြသည်။မယ်ဇလီဖူးကို စားသုံးခဲ့သော် ၊(၉၆)ပါး

သော ရောဂါများကင်းရှင်း၍ ဘုန်းကြီးအသက်ရှည်နိုင်သည် ဟု ၊“သာရကောမုဒိ” ဆေးကျမ်း ကပြဆို

ပါသည်။ထို့ ကြောင့် ၊ မြန်မာ့ရှေးရိုးအစဉ်အလာအရ တန်ဆောင်မုန်းလပြည့် အခါသမယတွင် ၊မယ်ဇ

လီဖူး ကိုအဆာစုံစွာသုပ်၍ မိသားစုဝင်များအားလုံးစားသုံးကာ ၊ ပတ်ဝန်းကျင် အိမ်နီးချင်းများအား

လည်း ၊ မယ်ဇလီဖူးသုပ်အထုပ်ငယ်များကို ဆေးဝါးအဖြစ်ပေးဝေလျက် ဒါနပြုလေ့ရှိကြပါသည်။နက္ခတ်၊ကြယ်တာရာ စုံညီစွာပေါ်ထွန်းသောကြောင့် ၊ဆေးအာနိသင်များ နိုးကြွထက်မြက်စေ၍ “ဆေးပေါင်းခသည့်ည” -ဟုလည်း ၊ယုံကြည်ကြသည်။ဤညအခါ၌ ၊ခူး ဆွတ် တူးဖေါ်ရရှိသော ဆေးပင် ၊ဆေးရွက်၊အမြစ် ၊ အဖု ၊အဥ တို့ ကို အထူးသိမ်းဆည်းထားကာ အလိုရှိရာအခါ၌ ၊အသုံးပြုကြသည်။လပြည့်နေညဥ့်လယ် လမွန်းတည့်အချိန်၌ ၊ လရိပ်သည် ရေအပြင်ပေါ်ကျရောက်သောအခါ ၊ “လမွန်းတည့်ရေ”ကို သောက်သုံး၍ ၊ဆေးအာနိသင်များပြည့်ဝလျက် ကျန်းမာရေးကို ကောင်းမွန်စေသည်-ဟု ယူဆကြသည်။ဤအခါ၌ ၊ လက်လှမ်းမီရာ ဆေးပင် ၊ဆေးရွက်တို့ ကို ခူးဆွတ်ကာစားသုံးလေ့ရှိကြသည်။

တန်ဆောင်မုန်းလတွင် ထွက်ပေါ်သော“ကြတ္တိကာနက္ခတ်”ကို နက္ခတ်ပညာရှင်တို့ က၊ “စောရ

နက္ခတ်(ခေါ်) သူခိုး နက္ခတ်” ဟု ၊ဆိုလေ့ရှိကြသည်။ထို့ ကြောင့် လပြည့်နေ့ ညအခါတွင် “ကျီးမနိုးပွဲ”

(ခေါ်)“သူခိုးကာလ” အဖြစ် ကလေး ၊ လူငယ်များ ပျော်ရွှင်စွာ ဆော့မြူးလေ့ရှိကြသည်။တစ်ညလုံး

နံနက်ကျီးမနိုးမီတိုင်အောင်၊ အိမ်ရှင်မသိစေပဲ  အလွယ်တစ်ကူ တွေ့ ရှိချီမနိုင်သောပစ္စည်းများကိုယူ၍

လမ်းမတွင် စုပုံထားခြင်း ၊ပုဆိုး ထမီ ရရာတို့ ကို အလံထူ၍ထားခြင်း စသည်တို့ ဖြင့် ၊နံနက်အခါ၌ လူ

ရယ်ဖွယ်ဖြစ်အောင် ဖန်တီးထားတတ်ကြသည်။တစ်ညနေခင်းလုံး အိမ်ပေါက်စေ့လိုက်ကာ အလှူငွေ

နှင့်စားစရာများ အလှူခံကြပြီး၊ တစ်ညခင်းလုံး ချက်ပြုပ်၊စားသောက်ကာ မြူတူး ပျော်ရွှင်ကြသည်။ငွေ

ကြေးပြည့်စုံသူတို့ ကမူ ၊ လပြည့်နေ့ ညတွင် “မခေါ်မုံ့ လုံး”(ခေါ်)မုံ့ လုံးရေပေါ်များကျွေးခြင်း၊ ကြက်

သားဆန်ပြုပ် တိုက်ကျွေးခြင်း ၊ မယ်ဇလီဖူးသုပ်ဝေခြင်းနှင့် ပိုက်ဆံကြဲခြင်း တို့ ကို ပြုကာ ၊ ကုသိုလ်

ယူလေ့ရှိကြသည်။

ရှေးအခါက ဓုတင်ဆောင်ရဟန်းတော်များသည်၊ဒါယကာများ လှူဒါန်းသော သင်္ကန်းကို မ၀တ်ရုံပဲ၊

စွန့် ပစ်သည့် အမှိုက်ပုံ ၊သုဿန် -စသည်တို့ မှ  ဖုံလူး ပေကျံနေသော အထည်စကို ၊သင်္ကန်းချုပ်ဆိုး

ဝတ်ရုံကြသည်။ထိုရဟန်းတော်များ သွားလာတတ်သောနေရာများ၌၊လူဒါယကာတို့ က သင်္ကန်းများ ကိုဖုံလူးပေကျံဟန် စီမံ၍ ပစ်ထားလှူဒါန်းကာ ကုသိုလ်ယူကြသည်။ဤဓလေ့မှ“ ပံ့သုကူဝှက်ခြင်း”(ခေါ်)“ပံ့သုကူပစ်ခြင်း”များ ဖြစ်ပေါ်လာခဲ့သည်။ယခုအခါ၌ ဘုရားဝင်းစသည်တို့ တွင် သွားရောက်ပစ်ချထား၍ ၊“ပံ့ သုကူ အလှူဒါန” ကိုပြုလေ့ရှိကြသည်။လပြည့်နေ့ ညအခါတွင် ၊ပံ့သုကူပစ္စည်း အရှာထွက်သော ကလေး၊လူငယ်လူရွယ်တို့ ပေါများလှပါသည်။

ဘုရားရှင် လက်ထက်တော်အခါက ၊တန်ဆောင်မုန်းလပြည့်နေ့ တစ်ညတွင် ၊ရာဇဂြိုဟ်ပြည့်ရှင်

အဇာတသတ်မင်း၏ လျှောက်ထားချက်အရ ၊“သာမညဖလသုတ်တော်”ကို ထုတ်ဖေါ်ဟောကြားတော်

မူခဲ့ပါသည်။“သာမည ဖလ” ဟူသည်မှာ ၊“ရဟန်းပြုလုပ်ရခြင်း၏ အကျိုးကျေးဇူး” ဟု၊ဆိုလိုပါသည်။

ရဟန်းသံဃာတော်များ၏ ဂုဏ်ပုဒ်တို့ ကို ထုတ်ဖေါ်ဟောကြားတော်မူခြင်းဖြစ်သောကြောင့်၊“သံဃာ

တော်များနေ့ ” ဟူ၍လည်းကောင်း ၊ “သာမည ဖလအခါတော်နေ့ ” ဟူ၍လည်းကောင်း၊ ယခုအခါတွင်

တန်ဆောင်မုန်းလပြည့်နေ့ ကို သတ်မှတ်ကျင်းပကြပါသည်။

(တရုတ်နိုင်ငံ၊ယူနန်ပြည်နယ် ၊ကူမင်းမြို့မှတရုတ်-မြန်မာနှစ်ဘာသာဖြင့် ထုတ်ဝေသော“မင်္ဂလာစာစေါင်

-吉祥杂志”တွင် ၂၀၀၅-၂၀၀၆-ခုနှစ်အတွင်း၌ ဖေါ်ပြပြီးသည်ကို ပြန်လည်ကူးယူဖေါ်ပြပါသည်။)