အားနည်းချက်တစ်ခုပေါ် ဘယ်တော့မှ အခွင့်ကောင်း မယူမိပါစေနဲ့

ဒုက္ခရောက်တဲ့အခါမှာ ကိုယ့်ကို စိတ်သက်သာမှုရအောင် ကယ်နိုင်မဲ့သူဟာ ကိုယ်ပါဘဲ။ ဒါကြောင့် မြတ်စွာဘုရားကလည်း ဟောတယ်။
“အတ္တာဟိ အတ္တနော နာထော။”
“မိမိသည်သာလျှင် မိမိ၏ ကိုယ်းကွယ်ရာ အားထားရာဖြစ်၏။”
“ကောဟိ နာထော ပရော သိယာ။”
“သူတစ်ပါးသည် မိမိအတွက် ကိုးကွယ်ရာ အားထားရာ အဘယ်မှာ ဖြစ်နိုင်ပါမည်နည်း”

အဲဒီတော့ သူတစ်ပါးကို အားမကိုးရလို့အပြစ်တင်မနေပါနဲ့။ အပြစ်တင်နေရင် ဒီဒုက္ခထဲက ဘယ်တော့မှ ထွက်လို့မရတော့ပါဘူး။
ကိုယ့်မှာ ၀မ်းနည်းစရာ၊ စိတ်ညစ်စရာ၊ စိတ်ဆင်းရဲစရာ ကြုံတဲ့အခါမှာ အဲဒါကို အကြောင်းပြပြီးတာ့ ကိုယ့်ရဲ့အခက်အခဲ ကိုယ့်ရဲ့ဒုက္ခကို အသုံးချပြီးတော့၊ ပရိယာယ် တစ်ခုအနနဲ့သုံးပြိးတော့ ကိုယ့်တာဝန်ကို သူတို့ယူအောင် လုပ်မိတတ်တာ ရှိတယ်နော်။ သူတစ်ပါးကို မလှည့်စားပါနဲ့။ သူများကို လှည့်စားရင် ကိုယ်လှည့်စားတာကို ကိုယ့်ဟာကိုယ် ယုံပြီးတော့ ဒုက္ခရောက်တတ်ပါတယ်။

ဥပမာ – နေမကောင်းဟန်ဆောင်တာ ကြာရင် တကယ် နေမကောင်း ဖြစ်သွားမယ်။ စိတ်ဆင်းရဲဟန်ဆောင်ရင် ကြာရင် တကယ် စိတ်ဆင်းရဲမယ်။ စိတ်ဆိုးဟန်ဆောင်တာ ကြာရင် တကယ် စိတ်ဆိုးလာမယ်။ ပျော်နေဟန်ဆောင်ရင်လည်း ကြာရင် တကယ်ပျော်လာမှာပါ။

ကိုယ်က အခြေအနေအရ ဟန်ေ်ဆာင်နေရတယ်ဆိုရင် ငါဟန်ဆောင်နေတာလို့ ကိုယ့်ကိုယ်ကို ကိုယ် တိတိကျကျ ပြတ်ပြတ်သားသား ပြောပါ။ ကိုယ့်ကိုယ်ကိုကိုယ် မလိမ်ဖို့ သိပ်အရေးကြီးပါတယ်။ ကိုယ်လိမ်တာကို ကိုယ်ယုံသွားရင် အဲဒီအထဲက ပြန်ထွက်ရ သိပ်ခက်ပါတယ်။

တချို့ နည်းနည်းပါးပါး နေမကောင်းတဲ့သူတွေ ရှိပါတယ်။ ကြားဖူးတယ်။ သူတို့ နေမကောင်းတာ မှန်ပါတယ်။ ဒါပေမဲ့ တော်ရုံတန်ရုံကိစ္စ သူတို့ဟာသူတို့ လုပ်လို့ ရတယ်။ ဥပမာ – စားစရာဆိုရင် သူတို့ ဟာသူတို့ ယူစားလို့ရတယ်။ ဒါပေမဲ့ သူတို့ ယူမစားတော့ဘူး။ ပါးစပ်ထဲ ခွံ့ပေးမှ။ ခွံ့မပေးရင် စားကို မစားဘူး။ အဲဒီလိုလုပ်တဲ့ လူတွေ ရှိပါတယ်။

သူဟာသူ လုပ်လို့ရတဲ့ကိစ္စတွေ အများကြီးရှိပေမဲ့ သူမလုပ်တော့ဘူး။ အကုန်လုံး အစအဆုံး ဘာမှမကျန်အောင် လုပ်ပေးရတယ်။ နေမကောင်းလို့ သူအခွင့်ကောင်းတစ်ခု ရသလို ဖြစ်သွားတယ်နော်။

ကိုယ်နေမကောင်းတာကိုဘဲ၊ (ကိုယ့်ရဲ့ ဒုက္ခ၊ ကိုယ့်ရဲ့ အဆင်မပြေမှု ကိုဘဲ) အခွင့်ကောင်း ယူပြီးတော့ လူတွေကို အကြပ်ကိုင်တာ။ လူတွေကို ကိုယ့်အတွက် အသုံးချတာဘဲ။

ကိုယ် လုပ်နိုင်တယ်ဆိုတာကို ပြလိုက်ရင် သူများတွေက လုပ်မပေးတော့ဘူး။ အဲဒီတော့ သူများတွေ လုပ်ပေးတာကို သာယာနေရင် ကိုယ်တိုင်မလုပ်နိုင်ဘူး ဆိုတာကို ပြရမယ်။ အဲဒီတော့ သူ့ကို လုပ်ပေးနေတာကို လိုချင်တော့ သူကြာလေလေ ပိုပြီးတော့ နေမကောင်းဖူးးလို့ လူတွေထင်အောင် နေပြတယ်။ ကြာတော့ ဘယ်လို ဖြစ်လာသလဲ။ တကယ် နေမကောင်း ဖြစ်လာတယ်။ တကယ်လည်း သူ ဘာမှ လုပ်လို့မရတော့ဘူး။

illness alibi ဆိုတာက နေမေကောင်းလို့ မလုပ်နိုင်တာပါလို့ အကြောင်းပြတာကို ခေါ်တယ်။ သူ့တာဝန် သူ မယူရအောင် နေမကောင်းတာကို အသုံးချတာပါ။ ဆရာဝန်ထောက်ခံစာနဲ့ ခိုင်လုံအောင် အကြောင်းပြပြီး ခွင့်ယူတာလည်း ရှိတယ်။ နေမကောင်း တတာကို အခွင့်ကောင်း ဘယ်တော့မှ မယူပါနဲ့။ အဲဒီလို အခွင့်အရေး ယူလို့ရှိရင် တကယ်နေမကောင်း ဖြစ်လာနိုင်တယ်လို့ ဆိုတာပါ။

နေမကောင်းတာကို အခွင့်ကောင်းယူတာကို သဘောပေါက်အောင် ပြောပြတာပါ။ တစ်ခြားကိစ္စတွေမှာလည်း ဒီလိုပါပဲ။ ကိုယ့်မှာ အဆင်မပြေမှု တစ်ခုခု ဖြစ်လာရင် အဲဒီ အဆင်မပြေမှုကို ဘဲ အခွင့်ကောင်းအနေနဲ့ အသုံးချပြီးတော့ တခြားလူတွေအပေါ်မှာ တာဝန်မပေးပါနဲ့။ အခွင့်အရေး မယူပါနဲ့။ အဆင်မပြေတာကို အခွင့်ကောင်းယူရင် ဆက်ပြီး အဆင်မပြေ ဖြစ်လာမယ်။

နေမကောင်းဖြစ်ရင် ကိုယ့်ဟာကိုယ် နေကောင်းအောင် ကြိုးစားပါ။ ဒီလိုပဲ အဆင်မပြေတာ ရှိရင်လဲ ကိုယ့်ဟာကိုယ် တတ်နိုင်သလောက် အဆင်ပြေအောင် ကြိုးစားပါ။ အဲဒီလို တကယ်ရိုးရိုးသားသား ကြိုးစားပါရက်နဲ့ ကိုယ့်အခက်အခဲက အဆင်မပြေသေးဘူးဆိုရင်တော့ မိတ်ဆွေကောင်း တချို့က သူတို့တတ်နိုင်တဲ့ အကူအညီပေးလာမှာပါ။ ဘာလို့လဲဆိုတော့ ရိုးရိုးသားသားနဲ့ ကြိုးစားနေတဲ့ သူတစ်ယောက်ကို သူ့နောက်ကွယ်မှာ တစ်ယောက်မဟုတ် တစ်ယောက်ကတော့ ကူညီဖေးမပေးမှာပါ။ ဒါကြောင့် သင်ဟာ ဘယ်လိုကိစ္စမျိုးပဲဖြစ်နေပါစေ အားနည်းချက်တစ်ခုပေါ်မှာ အခွင့်ကောင်းယူပြီး အသုံးချတတ်တဲ့သူ မဖြစ်ပါစေနဲ့။ သူများအားနည်းချက် မိမိအားနည်းချက်ပေါ်မှာ ဘယ်တော့မှ အခွင့်ကောင်းမယူမိပါစေနဲ့။

http://tawthumalay.mylovecafe.com