စကားဝါပွင့်စ ကဆုန်လ (မကြာမီ ကျရောက်လာတော့မယ့် မဟာညောင်ရေသွန်းပွဲတော်ကြီးကိုကြိုဆိုသော အားဖြင့်)

ကဆုန်လသည်မြန်မာ့တစ်ဆယ့်နှစ်လတွင်ဒုတိယမြောက်လဖြစ်၍နွေဥတု၌ပါဝင်သောလတစ်လဖြစ်သည်။ထိုကြောင့်ကဆုန်လသည်အပူဓာတ်လွန်ကဲသောလတစ်လဖြစ်သဖြင့်မြစ်ချောင်း၊အင်းအိုင်များ၌ရေခန်းခြောက်တတ်ကြသည်။ထို့ကြောင့်ရှေးမြန်မာကြီးက“တန်ခူးရေကုန်၊ကဆုန်ရေခန်း”ဟုဆိုရိုးပြုခဲ့ကြဟန်တူပေသည်။သို့သော်တစ်ခါတစ်ရံတွင်မုတ်သုန်လေပြင်းတိုက်ခတ်၍မုတ်သုန်မိုးတစ်ပြိုက်နှစ်ပြိုက်မျှရွာသွန်းတတ်သည်လည်းရှိပါ၏။

ကဆုန်လ၏ရာသီပန်းမှာစကားဝါပန်းခေါ်စံကားပန်းဖြစ်၍ရာသီပွဲတော်မှာညောင်ရေသွန်းပွဲတော်အဖြစ်ထင်ရှားသည်။ဗုဒ္ဓဘာသာနွယ်ဝင်ရှေးမြန်မာကြီးတို့သည်ပူပြင်းခြောက်သွေ့သောရေပြတ်သောကဆုန်လတွင်မိမိတို့ဗုဒ္ဓဘာသာအရအမြတ်တနိုးတန်ဖိုးထားသောမဟာဗောဓီပင်များကိုမညှိုးမနွမ်းလန်းဆန်းရှင်သန်ကြီးထွားစေရန်ဟူသော ဆန္ဒမွန်ဖြင့် ရေသွန်းလောင်းပူဇော်ကြရာမှညေငာင်ရေသွန်းလောင်းသောရိုးရာဓလေ့ပေါ်ပေါက်လာရည်ဟုအဆိုရှိပါသည်။ကဆုန်လကို ပုဂံခေတ်ကျောက်စာတို့တွင် “ကုဆုန်၊ ကူဆုန်၊ ကဆုန်၊ခူဆုန်၊ခုဆုန်” စသည်ဖြင့်မူကွဲအမျိုးမျိုးရေးသားခေါ်ဝေါ်ခဲ့သည်ကိုတွေ့ရကြောင်း သမိုင်းသုတေသီတို့၏အဆိုအရသိရပေသည်။အချို့ကမှု“ကဆုန်”မှာမူလဝေါဟာရဖြစ်၍ ကျန်ဝေါဟာရများမှာတစ်ဆင့်တစ်ဆင့်ရွေ့လျားပြောင်းလဲသောဝေါဟာရများသာဖြစ်သည်ဟုဆိုကြပြန်သည်။ဤတွင်ကဆုန်ကို“ရေသွန်းလောင်းသောလ၊ရေလောင်းသောလ၊ရေဖျန်းသောလစသည်ဖြင့်အဓိပ္ပါယ်ဖွင့်ဆိုခဲ့ကြကြောင့်သိမှတ်ရပါသည်။မည်သို့ပင်ဆိုပါစေကဆုန်လသည်ဗုဒ္ဓဘာသာနွယ်ဝင်မြန်မာလူများအတွက်အလေးအမြတ်ထားအပ်သော လထူးလမြတ်တစ်လဖြစ်နေသည်ဟု ဆိုချင်ပါသည်။ အကြောင်းမှာ- “ဗျာဒိတ်၊ ဖွားမြင်၊ဗောဓိပင်၊စံဝင်နန်းနိဗ္ဗာန်”ဟူသောစကားအရကဆုန်လပြည့်နေ့သည်မြတ်စွာဘုရားရှင်၏ဗုဒ္ဓဝံသ(ဗုဒ္ဓဝင်)ဖြစ်တော်စဉ်များနှင့်တိုက်ရိုက်ဆက်နွယ်နေသောကြောင့်ပင်ဖြစ်ပေသည်။ဗုဒ္ဓဘာသာနွယ်ဝင်သူတော်စင်အပေါင်းတို့၏ကိုးကွယ်ဆည်းကပ်အားထားရာဖြစ်သော ဂေါတမနွယ်ဖွားမြတ်ဗုဒ္ဓသည် သုမေဓာရှင်ရသေ့ဖြစ်စဉ်အခါက ဒီပင်္ကရာ ဘုရားရှင်၏အထံတော်မှ“နောင်အခါတွင်ဘုရားစင်စစ်ဧကန်ဖြစ်လိမ့်မည်”ဟုနိယတဗျာဒိတ်တော်ကိုစတင်ခံယူရရှိတော်မူသည့်အချိန်သည်စကားဝါပန်းရနံ့သင်းသောကဆုန်လလပြည့်နေ့ပင်ဖြစ်သည်။

ထို့ပြင်မဟာသက္ကရာဇ်၆၈ခုနှစ်၊(၆၂၃ဘီစီ)ကဆုန်လပြည့်သောကြာနေ့တွင်နီပေါနိုင်ငံနယ်စပ်ရှိကပိလဝတ်(ကပိလဝတ္ထု)ပြည်လုမ္ဗိနီဥယျာဉ်တော်၌ဘုရားအလောင်းတော်သိဒ္ဓတ္ထမင်းသားးကိုမဟာမာယာဒေဝီမိဖုရားကြီးမှမီးရှုသန့်စင်ဖွားမြင်တော်မှုခဲ့သည်။ဘုရားအလောင်းတော်ကို ဖွားမြင်တော်မှု သည်နှင့်တစ်ပြိုင်နက်“ ယသော်ဓရာမင်းသမီး၊ ညီတော်အာနန္ဒာမင်းသား၊ ကဏ္ဍကမြင်း၊ ဆန္ဒအမတ်၊ ကာဠုဒါယီအမတ်၊ မဟာဗောဓိပင်နှင့် ရွှေအိုးကြီးလေးလုံး”တို့သည်လည်းဖွားမြင် ပေါ်ပေါက်လာကြသည်။ ထို့ကြောင့်“ယသော်ခင်လေး၊ညီထွေးအာနန်၊ကဏ္ဍကမြင်း၊ ကျွန်ရင်း မောင်ဆန်၊ ကာဠုဒါယီ၊ဗောဓိရုက္ခံ၊ရွှေအိုးစွက်၊ဖွားဖက်ခုနစ်တန်” ဟုရှေးစာဆိုတို့ကမှတ်တမ်းတင်စပ်ဆိုခဲ့ကြခြင်းဖြစ်ပေသည်။ဤတွင်မဟာဗောဓိပင်ဆိုသည်မှာ မဇ္ဈိမဒေသ ဥရုဝေလတောအနီး ဘုရားရှင်တို့ ပွင့်ထွန်းပေါ်ပေါက်တော်မူရာ ဗဟိုအချက်အချာ အောင်မြေအရပ်၌သာ ဖြစ်ထွန်းပေါ်ပေါက်ရမြဲပင်ဖြစ်ပေသည်။ ဘုရားအလောင်းတော်သည်မဟာဗောဓိပင်ကိုအမှီပြုကာ မဟာသက္ကရာဇ် ၁၀၃ ခုနစ်၊ (၅၈၉-ဘီစီ) ကဆုန်လပြည့်နေ့တွင် သစ္စာလေးပါးမြတ်တရားကိုထိုးထွင်းသိမြင်ကာ အလုံးစုံကိုအကုန်သိမြင်တော်သောသဗ္ဗညုတညဏ်တော်ရှင်ဘုရားအဖြစ်သို့ရောက်တော်မူခဲ့သည်။

ဖော်ပြပါကဲ့သို့ပင်ကဆုန်လသည်ဘုရားရှင်ဗုဒ္ဓဝင်ဖြစ်တော်စဉ်နှင့်ဆက်နွယ်မှုရှိသောကြောင့် ကဆုန်လကို ဗုဒ္ဓဘာသာဝင်သူတော်စင်တို့က လထူးလမြတ်တစ်လအဖြစ် မှတ်ယူထိုက်ကြောင်းဆိုခဲ့ရခြင်းဖြစ်ပေသည်။မဟာဗောဓိပင်သည်ဘုရားရှင်၏ဖွားဖက်တော်ခုနစ်ဦးစာရင်း၌ပါဝင်နေခြင်း၊ထိုဗောဓိပင်ကိုအမှီသဟဲပြု၍ဘုရားအလောင်းတော်သည်ဘုရားအဖြစ်သို့ရောက်ရှိတော်မူခြင်းတို့ကြောင့်ဗုဒ္ဓဘာသာနွယ်ဝင်သူတော်စင်တို့ကမဟာဗောဓိပင်ကိုပရိဘောဂစေတီထိုက်သောသစ်ပင်အဖြစ်ကိုးကွယ်ကြခြင်းဖြစ်ပေသည်။ ထိုကြောင့် ပရိဘောဂစေတီထိုက်သော မဟာဗောဓိပင်ကို ဗုဒ္ဓဘာသာနွယ်ဝင်တို့က အလေးအမြတ်ထားကာမူလဗောဓိပင်မှပင်ပွားများရယူလျက်မိမိတို့နိုင်ငံ၊မြို့ရွာဒေသအလိုက်စိုက်ပျိုးကြပြီးရေသွန်းလောင်းပူဇော်ကြခြင်းပင်ဖြစ်သည်။ တစ်နည်းဆိုသော်အပူရှိန်ပြင်းသောကဆုန်လတွင်ညောင်ရေသွန်းပွဲတော်ကျင်းပရခြင်းသည်မိမိတို့အထွတ်အမြတ်ထားရာဗောဓိပင်များအပူဒဏ်ကြာင့်သေကျေပျက်စီးမှုမရှိစေရန်ဟူသောရည်ရွယ်ချက်ဖြင့်မဟာဗောဓိပင်အားညောင်ရေသွန်းလောင်းပူဇော်ခြင်းပင်ဖြစ်သည်။ဤသည်မှာညောင်ရေသွန်းပွဲတော်ကျင်းပရခြင်း၏အဓိကရည်ရွယ်ချက်တစ်ခုပင်ဖြစ်သည်။

စာရေးသူ- သစ္စာရောင်ခြည်နှင့် မောင်သဏ်းလှိုင်တို့ရေးဖွဲ့သည်။(http://www.thitsaryoungchi.comကူးယူတင်ပြပါသည်)