တပေါင်းလပြည့်( မြတ်ဗုဒ္ဓ ကပိလ၀တ် ပြည်တော်ဝင် အခါတော်နေ့)

 နောက်တစ်ရက်တွင် ကပိလ၀တ်မြို့တော်အတွင်းသို့ ဆွမ်ခံဝင်လာသော မြတ်စွာဘုရားအား ယသော်ဓရာနှင့် သားတော် ရာဟုလာ နန်းတော်လေသာဆောင်မှ ဖူးမြှော်နေကြပုံ

ဗုဒ္ဓဘာသာဝင် မြန်မာလူမျိုးတို့အနေဖြင့် တပေါင်းလပြည့်နေ့နှင့် ပက်သက်၍ သာသနာသမိုင်းဆိုင်ရာ အဖြစ်အပျက်များ၊ ဗုဒ္ဓ၀င် အကြောင်းအရာများ များပြားစွာ ရှိခဲ့သလို ယနေ့အချိန်အထိလည်း ရှိနေဆဲဟုပင် ဆိုရပါမည်။ အဘယ့်ကြောင့် ဆိုသော် မြန်မာပြည် အထက်ပိုင်း အောက်ပိုင်း အပါအ၀င် တနိုင်ငံလုံးတွင် မအေးလွန်း မပူလွန်းသော တပေါင်းလပြည့် နေ့၌ ဘုရားပွဲ၊ အလှူပွဲ၊ ထီးတော်တင်ပွဲ၊ ပဋ္ဌာန်းရွတ်ဖတ်ပူဇော်ပွဲ၊ ဓမ္မပူဇာတရားပွဲ၊ ၀ိပဿနာ ဆယ်ရက်တရားစခန်းပွဲ စသည်ဖြင့် အမျိုးပေါင်းစုံလင်သော ကုသိုလ်ကောင်းမှုပွဲတော်များကို ဘိုးဘေးဘီဘင် လက်ထက်များကတည်းက နေရာ အနှံ့ ကျင်းပလေ့ရှိခဲ့ကြပြီး ယနေ့အထိတိုင်  ကုသိုလ်ကောင်းမှုများ ကြိုးစားနေကြသည်ကို တွေ့မြင်ရသည်မှာကြည်နူး စရာအတိ ဖြစ်ပါသည်။

ထို့ကြောင့်လည်း ဗုဒ္ဓမြတ်စွာ၏ ဖွားဖက်တော်ဖြစ်သော ကာဠုဒါယီအမတ်သည် ရဟန္တာဖြစ်ပြီး၍  အေးချမ်းစွာ နေလို သော် လည်း ခမည်းတော် သုဒ္ဓေါဒနမင်းကြီးအား ပေးခဲ့သော ကတိစကားဖြင့် တပေါင်းလ၏ သာယာပုံ၊ ရာသီ ဥတု မျှတပုံ၊ သစ်ပင်ပန်းမာန်များ ရွက်ဟောင်းကြွေကာ ရွက်နုရွက်သစ်ဝေနေကြပုံ၊ ကျေးငှက်သာရကာ မျိုးစုံတို့သည် လည်း ပွင့်လင်း ရာသီဖြစ်သောကြောင့် အမြဲမပြတ်တွန်ကြူးသီဆိုနေကြပုံ စသဖြင့် ဂါထာပေါင်း ( ၆၄ ) သီကုံးကာ ရဟန္တာ တပါးပီပီ ဖွဲ့နွဲ့ လျောက်ထားခဲ့သောကြောင့် ဘုရားရှင်သည် မွေးရပ်ဋ္ဌာနီ ကပိလ၀တ်ပြည်သို့ ကြွတော်မူရန် စိတ်ပိုင်းဖြတ် တော်မူခဲ့သည်။

( စကားချပ်= အမှန်မှာ မဟာဗုဒ္ဓ၀င်တွင် ကာဠုဒါယီမထေရ်က ၆၄ ဂါထာတို့ဖြင့် လျောက်ထားသော်လည်း အဋ္ဌကထာ ဋီကာများ၌ အလွယ်မှတ်နိုင်စေရန် ဂါထာ ( ၆၀ ) ဟုသာ ရေတွက်ကြသတတ် )  

ထိုသို့ လျောက်ထားသော အချိန်ကား ဗုဒ္ဓမြတ်စွာသည် သဗ္ဗညုတဘုရားစင်စစ် ဧကန်ဖြစ်ပြီး၍ လအနည်းငယ်သာ လွန်ပြီး သော မဟာသက္ကရာဇ် (၁၀၃) ခုနှစ်၏ တပေါင်းလ မပြည့်ခင် ဖြစ်ပါသည်၊ ( မဟာသက္ကရာဇ် (၁၀၃) ခု၊ ကဆုန်လပြည့် တွင် ဘုရားဖြစ်တော်မူပြီး တပိုတွဲလပြည့်နေ့တွင် သြ၀ါဒပါတိမောက်ပြတော်မူကာ အဂ္ဂသာဝကနှစ်ပါးအား လက်ဝဲ လက်ယာ  အဂ္ဂသာဝကရာထူး အပ်နှင်းတော်မူခဲ့သည် )

တပေါင်းလပြည့်နှင့် ပက်သက်၍ သိသင့်ဖွယ်များ

၁။ တပေါင်းလပြည့်နေ့ကို ဗုဒ္ဓပြည်တော်ဝင် အခါတော်နေ့အဖြစ် ကျင်းပရခြင်းမှာ ထိုနေ့တွင် ကာဠုဒါယီမထေရ်က ကပိလ၀တ်နေပြည်တော်သို့ ကြွရောက်တော်မူရန် လျှောက်ထားသည်ကို အကြောင်းပြု၍ ကျင်းပရခြင်း ဖြစ်သည်။

၂။ ထိုအချိန်က မြတ်စွာဘုရားသည် ရာဇဂြိုဟ်ပြည် ဝေဠုဝန်ကျောင်းတော်၌ သီတင်းသုံးနေထိုင်ကာ အင်္ဂတိုင်းသားနှင့် မဂဓတိုင်းသားများကို တရားရေအေး တိုက်ကျွေးလျက်ရှိပြီး ၀ါတွင်းသုံးလအတွင်း ဥရုဝေလကဿပညီနောင် ၃- ယောက် နှင့် နောက်ပါအခြံအရံ ရသေ့ပုရဗိုဇ်ပေါင်း ( ၁၀၀၀ ) ကို ဧဟိဘိက္ခု ရဟန္တာများ ဖြစ်စေကာ သာသနာ့ဘောင်သို့ သွတ်သွင်းပြီးချိန်ဖြစ်သည်။

၃။ ထိုကြည်ညိုဖွယ် ၀မ်းသာဖွယ်သတင်းစကားများကို ခမည်းတော် သုဒ္ဓေါဒနမင်းကြီး ကြားသိရာ ခေါင်းဆောင်အမတ် ၁၀-ဦးတို့ကို နောက်ပါအခြံ အရံ တထောင်စီဖြင့် ၁၀-ကြိမ်ခွဲကာ မြတ်စွာဘုရားကိုပင့်ရန် ရာဇဂြိုဟ်သို့ စေလွှတ်လိုက် သည်။   နောက်ဆုံးအသုတ်ကို ဖွားဖက်တော်ကာဠုဒါယီအမတ်ကြီးကို ခေါင်းဆောင်စေကာ လွှတ်လိုက်ပြီး  မြတ်စွာဘုရား နှင့်တွေ့၍ တရားနာရသောအခါ ကပိလ၀တ်သို့ မပြန်ကြတော့ဘဲ ဘုရားပင့်သွားသူအားလုံး တယောက်မကျန် သာသနာ့   ဘောင်သို့ ၀င်ရောက်ပြီးဧဟိဘိက္ခုရဟန္တာတွေချည်းဖြစ်ကုန်ကြသည်။

၎။ ရဟန္တာဖြစ်ပြီးနောက် ကာဠုဒါယီမထေရ်က ကတိပေးခဲ့သော တာဝန်ကို ကျေပွန်စေရန် တပေါင်းလ၏ သာယာပုံကို ဂါထာပေါင်း ၆၄- ဂါထာသီကုံး၍ ခမည်းတော်၏ကျေးဇူးကို ဆပ်သောအားဖြင့် ဖွားရာဇာတိ ကပိလ၀တ်နေပြည်တော်သို့ ကြွချိန် တန်ြ ပြီ ဖ စ်ေ ကြာင်းလျှောက်ထားခဲ့သည်။

၅။ ကာဠုဒါယီမထေရ်၏ လျှောက်ထားချက်အရ မြတ်စွာဘုရားသည် ( ရသေ့ညီနောင်မှ ရဟန္တာ ၁ သောင်း၊ ကပိလ၀တ်မှ ဘုရားပင့်လာသော ရဟန္တာ ၁ သောင်း အားဖြင့် )  စုစုပေါင်း ရဟန္တာပေါင်း ၂ -သောင်း ) ခြံရံလျက် မဟာသက္ကရာဇ် ၁၀၃-ခု တပေါင်းလပြည့်ကျော် ၁-ရက်နေ့တွင် ရာဇဂြိုဟ်မြို့မှ ယူဇနာ ၆၀-ဝေးကွာသော ကပိလ၀တ်ပြည်တော်သို့ တနေ့လျှင် ၁-ယူဇနာခရီးဖြင့် ရက်ပေါင်း ၆၀- (၂-လကြာ) အတုရိတဒေသစာရီ- မနှေးမမြန်လွန်းသော ကြွချီနည်းဖြင့်  ကြွချီတော်မူ ခဲ့ သည်။

ကပိလ၀တ်ရွှေနန်းတော်မှ ဘုရားရှင်ကြိုဆိုပွဲ

၁။ ကပိလ၀တ်မြို့တော်သို့ ရောက်ခါစမှာပင် မာနထောင်လွှားနေကြသော သာကီဝင်ဆွေ မျိုးအပေါင်း တို့အား မာန ကျ စေရန်အလို့ငှါ  ဘုရားဆိုသည်မှာ ဘယ်လို ပုံသဏ္ဍာန်ရှိသည်၊ အဘယ်ကဲ့သို့  ကြည်ညိုစရာကောင်းသည်၊  အဘယ်သို့ သော အစွမ်း အစ အရည်အချင်းမျိုး၊ တန်ခိုးမျိုးတို့နှင့် ပြည့်စုံသည်ကို သိရှိစေရန် အထက်အာကာသ ကောင်းကင်ယံတွင် ရတနာ စင်္ကြံတော်ကို ဖန်ဆင်းတော်မူကာ သြဒါတကသိုဏ်းလျင် အာရုံရှိသော စတုတ္ထဈာန်သမာပတ် ကို ၀င်စားတော် မူပြီး  တလောကလုံး အဖြူရောင် အလင်းရောင်များ ဖြစ်စေသ တည်း ဟု အဓိဋ္ဌာန်တော် မူကာ  ရေမီးအစုံ အစုံသော တန်ခိုးပြာဋိဟာတို့ကို ပြတော်မူသည်။

၂။ စကြာဝဠာ တိုက်အပေါင်းမှ နဂါး ဂဠုန် ဂုမ္ဘာန် ယက္ခ ဂန္ဓဗ္ဗများနှင့်တကွ နတ်ဗြဟ္မာများကလည်း မန္ဒာရ၀ နတ်ပန်း၊ ပဒုမ္မာကြာပန်း၊ ပင်လယ်ကသစ်ပန်း တို့ဖြင့် ပူဇော်ကြကာ“ မြတ်စွာဘုရားသည် တလောကလုံးအတွက် အကျိုးစီးပွား ကို ဆောင် ရွက်တော်မူပါပေသည်၊ အလွန်ကြည်ညိုဖွယ် အံ့သြဖွယ် ကောင်းပါပေစွ ” ဟု သြဘာသံဘ၀ဂ်ညံေ အာင်   ကောင်းချီး   ထောမနာပြုကြသည်။

၃။ ထိုအချိန်မှာပင် အရှင်သာရိပုတ္တရာ အရှင်မောဂ္ဂလာန်တို့သည်လည်း ကောင်းကင်ယံမှ ကြွချီလာကာ Biography Of The Buddha ဘုရားရှင်တပါး၏ အကြောင်းအတ္ထုပ္ပတ်ကို ဘုရားရှင်ကိုယ်တော်တိုင် ဟောပြမှသာလျင် ပြည့်စုံစွာ သိရှိနိုင် မှာ ဖြစ်ေ သာေ ကြာင့် ဟောကြားတော်မူပါရန် လျောက်ထားသောအခါ သာကီဝင်မင်းမျိုးအားလုံးတို့ ကြည်ညိုနေစဉ် ကပိလ၀တ်ေ နပြည်   တော်၏ ကောင်းကင်ယံ၌ပင် ဘုရားဖြစ်တော်စဉ် မဟာဗုဒ္ဓ၀င်အကြောင်းကို ဟောကြားတော်မူ သည်။

၎။ ဗုဒ္ဓ၀င် ဟူသည် ဗုဒ္ဓ၀ံသ ပါဠိစကားဖြစ်ပြီး ( ဗုဒ္ဓ - ဘုရားရှင်တို့၏၊ ၀ံသ - အနွယ်တော်၊ မျိုးရိုး ) ထို့ကြောင့် ဘုရားရှင် တို့၏ ဘ၀၊ အနွယ် တော်အကြောင်း၊ မျိုးရိုးအကြောင်းတို့ကို ဖော်ပြထားခြင်းကို ဗုဒ္ဓ၀င် ဟု ခေါ်ဆိုရသည်။ ဤနေရာ၌ ဂေါတမ ဘုရားရှင်၏ ဘ၀အကြောင်းကို ဂေါတမဗုဒ္ဓ၀င် ဟု ခေါ်ဆိုနိုင်ပါသည်။ ဂါထာပေါင်း ( ၉၅၁ ) ဂါထာတို့ဖြင့် တန်ဆာ ဆင်အပ်သော ( အဋ္ဌကထာဆရာ၊ ဋီကာဆရာ၊ ရဟန္တာမထေရ်တို့ သီကုံးအပ်သော ဂါထာတို့နှင့်ပေါင်းလျင် ဂါထာပေါင်း ( ၁၀၇၀ ) တို့ဖြင့် ဖော်ပြထားသော  ဂေါတမဘုရားရှင်၏ အတ္ထုပ္ပတ်ကို ထိုအခါ ဗုဒ္ဓမြတ်စွာကိုယ်တိုင် ဟောကြားတော်မူ ခဲ့သောကြောင့် ယခုအခါ ကျေးဇူးတော်ရှင် မင်းကွန်းဆရာတော်ကြီး ရေးသားထားသော မဟာဗုဒ္ဓ၀င် စာအုပ်ကြီးများကို ဂေါတမဗုဒ္ဓ၀င် ဟု မှတ်သားရပါမည်။

၅။ ဗုဒ္ဓဖြစ်တော်စဉ် ဗုဒ္ဓ၀င်အကြောင်းကို ဟောကြားတော်မူစဉ်ပင် နတ်ဗြဟ္မာများက ပေါက္ခရ၀ဿမိုး ရွာသွန်းဖြိုးစေ သောကြောင့် သာကီဝင်များမှာ အံ့သြဘနန်းဖြစ်ပြီး မာနများချကာ ရှိခိုး ကန်တော့ကြတော့သည်၊ ( ပေါက္ခရ၀ဿမိုး ဟူသည်  ကောင်းကင်ယံတွင် ကြာရွက်ပမာဏ တိမ်တိုက်များ တက်လာပြီး ပရိသတ်တွင်းမှ ရေစိုလိုသူကို စိုစေပြီး မစိုစွတ်လိုသူကို မစိုစေသော ကွက်ကြား ကွက်ကြား ရွာသော မိုး ဖြစ်သည် )

၆။ ထိုမိုးအကြောင်းနှင့် စပ်၍ ယခုအခါသာ မဟုတ်သေး၊ ပါရမီဖြည့်စဉ်ကာလ ဝေဿန္တရာမင်းကြီး ဘ၀ကလည်း ရွာခဲ့ ဖူးကြောင်း ဟောလိုရကား ဂါထာပေါင်း ( ၁၀၀၀ ) တို့ဖြင့် တန်ဆာဆင်အပ်သော   ဝေဿန္တရာဇာတ်ေ တ်ာကြီးကို   ဟော တော်မူပြန်သည်။ ဤသည်တို့ကား ဘုရားရှင် ကပိလ၀တ်နန်းတော် ကြွရောက်စဉ်က အခြေအနေမြင်ကွင်းများ ဖြစ်ပါ သည်။

ကပိလ၀တ်နှင့် ပက်သက်၍ ဖြစ်ပေါ်လာသော အကျိုးဆက်များ

၁။ နောက်တစ်နေ့တွင် ကပိလ၀တ်မြို့အတွင်း ဆွမ်းခံဝင်တော်မူစဉ် “ဥတ္တိဋ္ဌေ န ပမဇ္ဇေယျ ”စသော ဂါထာကို ကြားနာရ၍ ဖခင် သုဒ္ဓေါဒန မင်းကြီး သောတာပန် တည်ခဲ့သည်။

၂။ နောက်တကြိမ်တွင် “ ဓမ္မံ စရေ သုစရိတံ၊ န နံ ဒုစ္စရိတံ စရေ” စသော ဂါထာတပုဒ်တည်းဖြင့် ဖခင်ဘုရင်ကြီးကို သကဒါဂါမ် ဖြစ်စေပြီး မိထွေးတော် မဟာပဇာပတိဂေါတမီ ကို သောတာပန် တည်စေကာ နိဂြောဓာရုံ ကျောင်းတိုက် ကြီးလဲ ပေါ်ထွန်း လာခဲ့သည်။

၃။ နောင်အခါတွင် မိထွေးတော် ဂေါတမီသည် အမျိုးသမီးထုအားလုံး၏ ရှေ့ဆောင်လမ်းပြ အဖြစ် ဘိက္ခုနီသာသနာကို ခက်ခက်ခဲခဲ ပင်ပင် ပန်းပန်း တည်ထောင်ခဲ့ကာ သာသနာပြုခဲ့သည်။

၎။ “ တရားပြည့်ဝနေပါက ငယ်ငယ်ရွယ်ရွယ်နှင့် သေရိုးထုံးစံ မရှိ” ဟူသော စကားနှင့် စပ်၍ ဖခင်ဘုရင်ကြီးအား မဟာ ဓမ္မပါလဇာတ်တော်ကြီးကို ဟောကြားကာ တတိယမဂ်ဖိုလ်အဆင့် အနာဂါမ်တည်စေခဲ့ပြန်သည်၊ နောက်ပိုင်း လူဝတ် ကြောင် ဖြင့်ပင် ရဟန္တာဖြစ်ကာ (၇) ရက်အတွင်း ပရိနိဗ္ဗာန်စံခဲ့ရသည်။

၅။ ပါရမီဖြည့်ဖက် ယသော်ဓရာသည် ဘုရားရှင်အထံ ဖူးမျှော်ရန် မလာသောကြောင့် အဂ္ဂသာဝကနှစ်ပါးကို နောက်လိုက် အဖြစ်ခေါ်ဆောင်ကာ ကိုယ်တော်တိုင် တိုက်ခန်းအထိ ကြွတော်မူပြီး မယ်ယသော် ၏ မိမိလင်သားအပေါ် သစ္စာစောင့် စည်းပုံနှင့် စပ်၍ စန္ဒကိန္နရီ ဇာတ်တော်ကြီးကို ဟောကြားတော်မူခဲ့သည်။

၆။ နောင်အခါ ဇနပဒကလျာဏီ၊ နန္ဒမင်းသား၊ သားတော်ရာဟုလာ၊ ယသော်ဓရာနှင့် မဟာနာမ်မင်းသား၊ အနုရုဒ္ဓါမင်းသား၊ ကိမိလမင်းသားစသော နန်းညွန့်နန်းလျာအားလုံး သာသနာ့ဘောင် ၀င်ရောက်ကာ ရဟန္တာဖြစ်ကြသည်။

၇။  သာကီဝင်တစ်မျိုးလုံး နန်းတော်တွင် ဆိတ်သုဉ်းခြောက်ကပ်သွားပြီး လူသူကင်းမဲ့သော အခြေအနေထိ ဖြစ်ခဲ့ရသည်၊ ဘုရားရှင်သည် မယ်တော်မာယာဒေ၀ီအပေါ်၌လည်း မွေးကျေးဇူး ပေးဆပ်လိုသောကြောင့် တာဝတိံသာနတ်ပြည် အထိ တက်ကာ အဘိဓမ္မာပဋ္ဌာန်းတရားကို ဟောကြားပြီး မယ်တော်နတ်သားကို သောတာပန်တည်စေခဲ့သောကြောင့် မွေးကျေး ဇူးကျေအောင် ပေးဆပ်ခဲ့သည် ဟု ဆိုရပါမည်။

၈။ ကာဠုဒါယီမထေရ်သည် ရဟန္တာဖြစ်ပြီးနောက်ပိုင်း ဘုရားရှင် တပေါင်းလပြည့်ကျော် ၁ရက်နေ့တွင် ရာဇဂြိုလ်မှထွက် ကာ  ကပိလ၀တ်သို့ ကြွနေဆဲ (၂) အတွင်းမှာ ဘုရင်သုဒ္ဓေါဒန မင်းကြီးအား “ ဘုရားရှင် ကပိလ၀တ်ရွှေနန်းတော်သို့ ကြွလာပြီဖြ စ်ကြောင်း၊ ယနေ့ ဘယ်အရပ်ဒေသ၊ ဘယ်တိုင်းပြည်၊ ဘယ်မြို့ရွာ သို့ ရောက်ရှိနေပြီဖြစ်ကြောင်း သတင်းစကား ပြန်ကြားပေးရန် ဈာန်အဘိညာဉ်တန်ခိုးဖြင့် ကပိလ၀တ်ပြည် သို့ ကြွလာကာ ဆွမ်းဘုန်းပေးတော်မူသည်၊ ပြန်ကြွလျင် လည်း  ဘုရားရှင်သုံးေ ဆာင်တော်မူရန် ဆွမ်းသပိတ်ဖြင့် လူအများမြင်စဉ်ပင် ကောင်းကင်ခရီးဖြင့် သယ်ဆောင်ကာ နေ့စဉ်နေ့တိုင်း   နှစ်လတိတိ   ဆွေတော်မျိုးတော်သာကီဝင်တို့အား ချီးမြှောက်ပေးခဲ့သည်။

ထို့ကြောင့်ပင် နောင်အခါ ဗုဒ္ဓမြတ်စွာသည် ရဟန်းတော်တို့အား ဧတဒဂ်ဘွဲ့ထူး ချီးမြှောက်တော်မူသောအခါ ဆွေမျိုးဒကာ ဒါယိကာမတို့အား ကြည်ညိုစေရန် စည်းရုံးနိုင်သူတို့တွင် ဖွားဖက်တော် ကာဠုဒါယီမထေရ်သည် အမြတ်ဆုံး အသာဆုံး ဖြစ်ပါပေ သည် ဟု ကုလပ္ပသာဒ ( ကုလ - ဆွေမျိုးတို့အား၊ ပသာဒ - ကြည်ညိုစေခြင်း ) အရာတွင် ဧတဒဂ်ဘွဲ့ထူးဖြင့် ချီးမြောက်တော် မူခဲ့သည်။

တပေါင်းလဖွဲ့ နှင့်စပ်၍  ရှင်အုန်းညို ရေးသားခဲ့သော ဂါထာခြောက်ဆယ်ပျို့မှ  စာပိုဒ်

လူ့ဘုံသုံးပါး၊ အထွတ်ထား၍၊ တရားရသာ၊ မြိုက်သြဇာဖြင့်၊ သတ္တ၀ါလူ၊ ခမ်းသိမ်းသူကို၊ ဆယ်ယူကယ်နိုင်၊ ရွှေပြည်ခိုင်သို့၊ တိုင်တိုင်ဘေးလွတ်၊ ပို့ပေးတတ်သည်၊ လူနတ်ဆရာ၊ ရတနာဟု၊ မဟာဝီရ၊ လုံ့လအခေါင်၊ ဗောဓိညောင်၌၊ ခြောက်ရောင်လျှံဝါ၊ ဉာဏ်စကြာနှင့်၊ သစ္စာရဲရဲ၊ ပွင့်ဆဲဆဲလျှင်၊ အံ့အဲမနိုင်၊ ဆွယ်ပြိုင်နှိုင်းဖော်၊ တုမမြော်သည်၊ ဘုန်းတော်ထွန်းလစ်၊မြတ်ရှင်ချစ်။

အဖြစ်ကြောင်းလျား၊ မှာစကားကို၊ ဦးဖျားထိပ်ထက်၊ ကြားလျှောက်ဆက်အံ့၊ ဖွားချက်မြှုပ်ထွေ၊ ဇာတိနေသား၊ အောင်မြေပြည်မ၊ ကပိလတွင်၊ မွေးဘသုဒ္ဓေါ်၊ တကာတော်နှင့်၊ ယသော်ဓရာ၊ ဗိမ္ဗာမြောက်သား၊ သည်းချားရာဟု၊ မျှော်ရာရှုလျက်၊ တစုတရုံး၊ ပန်းနှယ်ကုံးမျှ၊ သက်လုံးမေတ္တာ၊ ပြက်ကြင်နာသော်၊

 ဖူးပါလှချင်၊ ငါ့သခင်ကို၊ သို့ပင်ဆိုတမ်း၊ နိစ္စလွမ်း၍၊ မျက်ယမ်းထိထိ၊   မြော်ချင်ဘိဟု၊ ကြားသိတုံလို၊ တသောင်းဗိုလ်တွင်၊ ကျွန့်ကို နောက်ဆင့်၊ ချီးပင့်ရရှာ၊ ဤအခါကား၊ ဟေမာချမ်းဆောင်း၊ ကြွလဲပြောင်းသား၊ တပေါင်းနွေလ၊ ဂိမ္မာနဟု၊ သာလှပျော်မှု၊ သည်ရတု၌၊ ညွန့်နုဆဲဆဲ၊ မီးလျှံခဲသို့၊ ရဲရဲပြောင်ပြောင်၊ တောကုန်အောင်လည်း၊ ပွင့်ရောင်တိချည်း၊ ဖြင်ပေါပည်း၏။၊ ခမည်းတော်ကောင်း၊ ပြည်တော်ဟောင်းသို့၊ ဖူးပေါင်းစိမ့်ငှါ၊ တောင်းပန်ထွာသည်။ သွားခါကာလ တန်ပြီဘုရား။

“ သားတော်ဘုရား တပည့်တော်တို့ သာကီဝင်မျိုးရိုးမှာ တောင်းရမ်းစားသူတွေ မရှိခဲ့ပါ၊ ယခု ရဟန်း နှစ်သောင်းကို ခမည်းတော်တသက်လုံး ကျွေးမွေးထားနိုင်ပါတယ်ဘုရား၊ တောင်းရမ်းမစားပါနှင့် ” ဟု  လျောက်ထားလာသော ခမည်းတော်အား ဆွမ်းခံခြင်းသည် ဘုရားရှင်တို့၏ ထုံးတမ်းအစဉ်အလာဖြစ်ကြောင်း ရှင်းပြကာ ၄ ပါဒဂါထာတပုဒ် ဟောပြလိုက်သောအခါ လမ်းပေါ်၌ ဤပုံ အခြင်းအရာဖြင့်ပင် ခမည်းတော်ကြီး သောတာပန် တည်ခဲ့ရသည် ... 

နှလုံးသည်းအူ ပြတ်သွားလောက်အောင်  စိတ်ရှိသလောက် အားရပါးရ ငိုကြွေးနေသော ပါရမီဖြည့်ဖက် မယ်ယသော် အား   ဖြေသိမ့်စကား ဆိုတော်မူပြီး မိမိအပေါ် သစ္စာစောင့်စည်းပုံ နှင့်စပ်ကာ စန္ဒကိန္နရီဇာတ်ေ တ်ာကြီး ကို ဟောေ တာ် မူခဲ့ပြန်သည်...

အချုပ်ဆိုရသော် တပေါင်းလပြည့် တွင် ရဟန္တာမထေရ် ကာဠုဒါယီ၏ ကျေးဇူးဖြင့် စခဲ့သော ကပိလ၀တ်ဇာတ်လမ်းသည် ထေရ၀ါဒ ဗုဒ္ဓဘာသာဝင် မြန်မာလူမျိုးအားလုံးအတွက် အားကျဖွယ်၊ အတုယူဖွယ်၊ ကြည်ညိုဖွယ်၊ ပီတိဖြစ်ဖွယ် တို့ဖြင့် ပြည့်နှက်နေသော   နေ့ထူးနေ့မြတ်အခါသမယ ဖြစ်သောကြောင့် ယင်းနေ့ကိုပင် ဗုဒ္ဓမြတ်စွာ၏ ကပိလ၀တ်ရွှေနန်းတော်သို့ ၀င်တော်မူသောနေ့ ဟု သတ်မှတ်ခဲ့ကြပါသည်။

မေတ္တာဖြင့်

အရှင်သုနန္ဒာလင်္ကာရ M.A ( ပန်းကမ္ဘာ )

Date. 6.Mar.2012

( ၁၃၇၃ ခု၊ တပေါင်းလဆန်း ၁၄ ရက် )

တပေါင်းလပြည့် မြတ်ဗုဒ္ဓ ပြည်တော်ဝင် အခါတော်နေ့

တပေါင်းလပြည့်နေ့
***
တပေါင်းလပြည့်နေ့ကို ဗုဒ္ဓပြည်တော်ဝင် အခါတော်နေ့ အဖြစ် သတ်မှတ်ထားပါသည်။
ထိုသို့ သတ်မှတ်ရခြင်းမှာ …
မဟာသက္ကရာဇ် ၁၀၃ ခုနှစ် အခါကာလက မြတ်စွာဘုရားသည် ရာဇဂြိုဟ်ပြည် ဝေဠုဝန် ကျောင်းတော်၌ သီတင်းသုံးနေစဉ် ကပိလ၀တ် နေပြည်တော်မှ ခမည်းတော် သုဒ္ဓေါဒန မင်းကြီးက အမတ် ၁၀-ဦးတို့ကို နောက်ပါ အခြွေအရံ တထောင်စီဖြင့် ၁၀-ကြိမ်ခွဲကာ ဘုရားရှင်အား ပင့်ရန် ရာဇဂြိုဟ်ပြည်သို့ စေလွှတ်လိုက်ပါသည်။

ထိုသို့ ဘုရားပင့်ရန်သွားသူ အမတ်များသည် ဘုရားရှင်နှင့် တွေ့၍ တရားနာရသောအခါ ဧဟိဘိက္ခူ ရဟန်းများ ဖြစ်ကုန်ကြပြီး ကပိလ၀တ်သို့ မပြန်ကြတော့ပါ။ နောက်ဆုံးအသုတ်ကို ကာဠုဒါယီအမတ်ကြီး ခေါင်းဆောင်၍ သွားသည့်အခါတွင်လည်း ဘုရားရှင်၏ တရားနာရပြီးနောက် ကာဠုဒါယီအမတ်ကြီး ရဟန္တာဖြစ်သွားပါသည်။ ရဟန္တာဖြစ်ပြီးနောက် ကာဠုဒါယီမထေရ်က တပေါင်းလ၏ သာယာပုံကို ဂါထာပေါင်း ၆၄ ဂါထာ သီကုံး၍ ခမည်းတော်၏ ကျေးဇူးကို သိသောအားဖြင့် ဖွားရာဇာတိ ကပိလ၀တ် နေပြည်တော်သို့ ကြွချိန် တန်ပြီ ဖြစ်ကြောင်း လျှောက်ထားလေသည်။

ကာဠုဒါယီမထေရ်၏ လျှောက်ထားချက်အရ မြတ်စွာဘုရားသည် ရဟန္တာပေါင်း ၂-သောင်း ခြံရံလျက် မဟာသက္ကရာဇ် ၁၀၃ ခုနှစ်၊ တပေါင်းလပြည့်ကျော် ၁-ရက်နေ့တွင် ရာဇဂြိုလ်မြို့မှ ယူဇနာ ၆၀ ကွာဝေးသော ကပိလ၀တ် နေပြည်တော်သို့ တနေ့လျှင် တယူဇနာခရီးဖြင့် ရက်ပေါင်း ၆၀ ကြာအောင် ဒေသစာရီ ကြွချီတော်မူပါသည်။

မြတ်စွာဘုရား ကပိလ၀တ်နေပြည်တော်သို့ ကြွတော်မူခြင်းဖြင့် သာသနာတော် သမိုင်းတွင် ဖြစ်ပေါ်လာသော အကျိုးဆက်များမှာ …
၁) နိဂြောဓာရုံကျောင်းတော်ကြီး ပေါ်ပေါက်လာခြင်း၊
၂) သာကီဝင်မင်းမျိုးတို့၏ မာန်စွယ်ကို နုတ်ပယ်သောအားဖြင့် ပေါက္ခရ၀ဿမိုးကို ရွာသွန်းစေခြင်း၊
၃) ဂါထာတထောင်ဖြင့် တန်ဆာဆင်အပ်သော ဝေဿန္တရာ ဇာတ်တော်ကြီးကို ဟောကြားခြင်း၊
၎) မဟာဓမ္မပါလ ဇာတ်တော်ကြီးကို နာကြားရ၍ ခမည်းတော်ကြီး အနာဂါမ်တည်ပြီး နောင်သောအခါ အရဟတ္တဖိုလ် တည်ဖြင်း၊ မိထွေးတော် ဂေါတမီ သောတာပန် တည်ခြင်း၊ နောင်အခါ ဘိက္ခုနီသာသနာ ထူထောင်ခွင့်ကြုံခြင်း၊
၅) ယသောဓရာကို အကြောင်းပြု၍ စန္ဒကိန္နရီ ဇာတ်တော်ကို ဟောကြားခြင်း၊
၆) ဇနပဒကလျာဏီ၏ ကြင်ယာတော် နန္ဒမင်းသား ရဟန်းဖြစ်ခြင်း၊
၇) သားတော်ရာဟုလာ အမွေတောင်း၍ သာမဏေဘ၀သို့ ရောက်ရှိခြင်း၊
၈) သာကီဝင်အမျိုးမှ မင်းသားတထောင် ရဟန်းဘောင်သို့ ရောက်ခြင်း၊
၉) ကာဠုဒါယီမထေရ်အား ဆွေမျိုးတို့အားမြတ်စွာဘုရားကို ကြည်ညိုစေရန် စွမ်းဆောင်ရာ၍ အမြတ်ဆုံး “ကုလပ္ပသာဒ” ဧတဒဂ်ကို ချီးမြှင့်တော်မူခြင်း၊
၁၀) အရှင်သာရိပုတ္တရာ လျှောက်ထား၍ ဗုဒ္ဓ၀င် ဒေသနာကို ဟောကြားတော် မူခြင်း၊
စသော အကျိုးဆက်များ ဖြစ်ပါသည်။
***

ကာဠုဒါယီမထေရ် လျှောက်ထားသည့် နောက်ဆုံးဂါထာ

နာသိတံ နာသိဥဏှံ၊ နာတိ ဒုဗ္ဘိက္ခ ဆာတကံ။
သဒ္ဒလာ ဟရိတာ ဘူမိ၊ ဧသ ကာလော မဟာမုနိ။

မုနိတို့၏ သခင်ဖြစ်တော်မူသော မြတ်စွာဘုရား … ဆောင်းနှောင်းနွေဦး တပေါင်းလ ဤအခါထူးသည် အေးလည်း မအေးလွန်းလှပါဘုရား၊ ပူလည်း မပူလွန်းလှပါဘုရား။ ကောက်ပဲ သိမ်းစ ဥတုမျှ၍ အာဟာရမွတ်ရှား ခေါင်းပါးခြင်း ဆာလောင်ခြင်းမှလည်း ကင်းရှင်းပါသည် ဘုရား၊ မြေအပြင်သည်လည်း နေဇာမြက်ညွန့် ပေါက်ရောက် ရှင်သန်၍ မြစိမ်းရောင်လွှမ်း စိုပြည် လန်းဆန်းနေပါသည် ဘုရား။ ဆောင်းနှောင်းနွေဦး တပေါင်းလ ဤအခါထူးသည် မွေးရပ်ဌာနီ ကပိလ၀တ်နေပြည်သို့ ကြွချီရန် လျော်ကန် လျောက်ပတ် ကောင်းမြတ်သော အချိန်ပါ ဘုရား။
***
ကာဠုဒါယီမထေရ် လျှောက်ထားသော ဂါထာပေါင်း ၆၄-ဂါထာကို ရှင်အုန်းညိုက ပျို့အဖြစ် ရေးစပ်ခဲ့ပါသည်။ ဂါထာ ခြောက်ဆယ်ပျို့ဟု ထင်ရှားသည်။ ထိုဂါထာ ခြောက်ဆယ်ပျို့မှ စာပိုဒ်ကို ကောက်နုတ်ဖော်ပြလိုက်ပါသည်။

လူ့ဘုံ သုံးပါး၊ အထွတ်ထား၍၊ တရားရသာ၊ မြိုက်သြဇာဖြင့်၊ သတ္တ၀ါလူ၊ ခပ်သိမ်းသူကို၊ ဆယ်ယူကယ်နိုင်၊ ရွှေပြည်ခိုင်သို့၊ တိုင်တိုင်ဘေးလွတ်၊ ပို့ပေတတ်သည်၊ လူနတ်ဆရာ၊ ရတနာဟု၊ မဟာဝီရ၊ လုံ့လအခေါင်၊ ဗောဓိညောင်၌၊ ခြောက်ရောင်လျှံဝါ၊ ဉာဏ်စကြာနှင့်၊ သစ္စာရဲရဲ၊ ပွင့်ဆဲဆဲလျှင်၊ အံ့အဲမနိုင်၊ ဆွယ်ပြိုင်နှိုင်းဖော်၊ တုမမြော်သည်၊ ဘုန်းတော်ထွန်းလစ်၊ မြတ်ရှင်ချစ်။

အဖြစ်ကြောင်းလျား၊ မှာစကားကို၊ ဦးဖျားထိပ်ထက်၊ ကြားလျှောက်ဆက်အံ့၊ ဖွားချက်မြှုပ်ထွေ၊ ဇာတိနေသား၊ အောင်မြေပြည်မ၊ ကပိလတွင်၊ မွေးဘသုဒ္ဓေါ်၊ ဒကာတော်နှင့်၊ ယသော်ဓရာ၊ ဗိမ္မာမြောက်သား၊ သည်းချားရာဟု၊ မျှော်ကာရှုလျက်၊ တစုတရုံး၊ ပန်းနှယ်ကုံးမျှ၊ သက်လုံးမေတ္တာ၊ ပြက်ကြင်နာသော်၊ ဖူးပါလှချင်၊ ငါ့သခင်ကို၊ သို့ပင်ဆိုတမ်း၊ နိစ္စလွမ်း၍၊ မျက်ယမ်းထိထိ၊ မြော်ချင်ဘိဟု၊ ကြားသိတုံလို၊ တသောင်းဗိုလ်တွင်၊ ကျွန်ကိုနောက်ဆင့်၊ ချီပင့်ရရှာ၊ ဤအခါကား၊ ဟေမာချမ်းဆောင်း၊ ကြွလည်း ပြောင်းသား၊ တပေါင်းနွေလ၊ ဂိမ္မာနဟု၊ သာလှပျော်မှု၊ သည်ရတု၌၊ ညွန့်နုဆဲဆဲ၊ မီးလျှံခဲသို့၊ ရဲရဲပြောင်ပြောင်၊ တောကုန်အောင်လည်း၊ ပွင့်ရောင်တိချည်း၊ ဖြင်ပေါပည်း၏၊ ခမည်းတော်ကောင်း၊ ပြည်တော်ဟောင်းသို့၊ ဖူးပေါင်းစိမ့်ငှာ၊ တောင်းပန်ထွာသည်။ သွားခါကာလ တန်ပြီဘုရား။ … ။
***
(မြတ်ဗုဒ္ဓပြည်တော်ဝင် အခါတော်နေ့ ဖြစ်သော သာယာလှပသည့် တပေါင်းလပြည့် အခါသမယတွင် ဒါန၊ သီလ၊ ဘာဝနာ ကောင်းမှုကုသိုလ်များ မမေ့မလျော့ ပြုကြပါစေကြောင်း … )
***
ရည်ညွှန်း။ ။
အခါတော်နေ့များ (ဆရာတော် မာဂဓီ - သာစည်)

( ကြည်နူးဖွယ်ကောင်း လတပေါင်း )

အင်္ဂါရိနော ဒါနိ ဒုမာ ဘဒန္တေ၊ ဇလေသိနော ဆဒနံ ၀ိပ္ပဟာယ။
တေ အစ္စိမန္တောဝ ပဘာသယန္တိ၊ သမယော မဟာဝီရ အင်္ဂီရသာနံ။

ဘန္တေ=ကျေးဇူးငါးပုံ ကောင်းခြင်းဂုဏ်နှင့် ပြည့်စုံထင်ရှား ရှင်ပင်မြတ်ဘုရား။
ဒါနိ-ဣဒါနိ=ဆောင်းကိုလွန်မြောက် နွေးဦးပေါက်သို့ ရောက်လတ်တုံလာ ယခုအခါ၌။
ဒုမာ=တခေတ်ကူးပြောင်း သစ်ပင်အပေါင်းတို့သည်။
ဆဒနံ=ရှည်ကြာမြင့်ညောင်း အရွက်ဟောင်းကို။
ဝိပ္ပဟာယ=စွန့်ပယ်သောထွေ ကြွေကျကုန်၍။
ဖလေသိနော=အသစ်ဖြစ်သော အသီးကို ရှာမှီးကြကုန်သကဲ့သို့ဖြစ်၍။
အင်္ဂါရိနော=မီးကျီးအသွေး နီးတွေးသော ရွက်နု အပွင့်အဖူးတို့နှင့် ပြည့်စုံကြကုန်၏။
တေ=ထိုသစ်ပင်အပေါင်းတို့သည်။
အစ္စိမန္တောဝ=ဥတုလှုံ့ဆောင် အရောင်ရှိကုန်သည်ဖြစ်၍ သာလျှင်။
ပဘာသယန္တိ=ပြောင်တ၀င်းဝင်း ထွန်းလင်းတောက်ပကြကုန်၏။
မဟာဝီရ=ကြီးမြတ်သော ၀ီရိယရှိတော်မူသော မြတ်စွာဘုရား။
အင်္ဂီရသာနံ=ကိုယ်တော်မြတ်မှ မပြတ်ငြိုးပြက် တလက်လက်ဖြင့် ထွက်သောရောင်ခြည် ရှိတော်မူသော မြတ်စွာဘုရားတို့၏။
သမယော=ဖွားရပ်ဌာနီ ပြည်ကပ္ပီသို့ နှစ်လီစက်ပန်း ကိုယ်တော်လှမ်း၍ ကြွမြန်းတော်မူရန် လျော်ကန်လျောက်ပတ် ကောင်းမြတ်သောအချိန်ပါဘုရား။


( ဒေါင်းသံသာစွ တပေါင်းလ)
မယူရသံဃာ ဂိရိမုဒ္ဓနသ္မိံ၊ နစ္စန္တိ နာရီဟိ သမင်္ဂီဘူတာ။
ကူဇန္တိ နာနာ မဓုရဿရေဟိ၊ သမယော မဟာဝီရ အင်္ဂီရသာနံ။
ဘန္တေ=ကျေးဇူးငါးပုံ ကောင်းခြင်းဂုဏ်နှင့် ပြည့်စုံတော်မူသော ရှင်ပင်မြတ်ဘုရား။
ဂိရိမုဒ္ဓနသ္မိံ=ကြွရာလမ်းတခွင် ၀ဲယာဖြစ်သော တောင်ထိပ်အပြင်၌။
မယူရသံဃာ=ဥဒေါင်းငှက် အပေါင်းတို့သည်။
နာရီဟိ=ကြင်ဖော်မှန်လှ ချစ်ဒေါင်းမတို့နှင့်။
သမင်္ဂီဘူတာ=တကွယှဉ်နွဲ မောင်နှံတွဲကြကုန်သည်ဖြစ်၍။
နစ္စန္တိ=အမြီးကိုထောင် အတောင်ကိုကော့ ခေါင်းကိုမော့၍ ကျော့ကျော့ရွှင်ဖြိုး တင့်စနိုးလျှင် ရှေ့ထိုးနောက်ငင် လူ့အသွင်သို့ မြူးရွှင်ကခုန်ကြကုန်၏။
နာနာ မဓုရဿရေဟိ=အထူးထူးအထွေထွေ အိုးဝေ အိုးဝေ ဟူသော သာယာသော အသံတို့ဖြင့်။
ကူဇန္တိ=ဘာသာမဂဓ သဘာဝဖြင့် တွန်ကြမြူးကြ ကျူးရင့်ကြကုန်၏။
မဟာဝီရ=ကြီးမြတ်သောဝီရိယ ရှိတော်မူသော မြတ်စွာဘုရား။
အင်္ဂီရသာနံ=ကိုယ်တော်မြတ်မှ မပြတ်ပြိုးပြက် တလက်လက်ဖြင့် ထွက်သောရောင်ခြည်တော် ရှိတော်မူသော မြတ်စွာဘုရားတို့၏။
သမယော=ဖွားရာဌာနီ ပြည်ကပ္ပီသို့ နှစ်လီစက်ပန်း ကိုယ်တော်လှမ်း၍ ကြွမြန်းတော်မူရန် လျော်ကန်လျှောက်ပတ် ကောင်းမြတ်သော အချိန်ပါဘုရား။


ဓမ္မပူဇာတေးသီချင်းဒေါင်းရန်
ပြည်တော်ပြန်အခါတော်နေ့